Израел брутално ја напаѓа Газа додека советникот на Белата куќа е во регионот

Од:

Израелски авиони и тенкови ги нападнаа областите низ Појасот Газа, велат жителите, додека советникот за национална безбедност на Белата куќа Џејк Саливан е во регионот за да го засили американскиот апел до Израел за поголема прецизност во воената кампања. ДПА го пренесува радиото на израелската армија, известувајќи дека војниците пронашле неколку тунели за шверц во пограничната област меѓу Газа и Египет.

Саливан треба да разговара со Израелците во недела и да ја нагласи потребата од насочен напад врз милитантите на Хамас, наместо сеопфатен напад врз градот Рафах во јужниот дел на Газа, соопшти Белата куќа.

Израелската армија упаѓа во градот, за кој тврдат дека е последниот бастион на силите на Хамас. Стотици илјади Палестинци ја напуштија областа, која беше едно од ретките преостанати засолништа за цивили. Израелските сили, исто така, туркаат подлабоко во тесните улички на Џабалија во северниот дел на Газа, враќајќи се во областа за која претходно тврдеа дека е исчистена, велат жителите.

Израелската војска соопшти дека нејзините операции во Џабалија, најголемиот од осумте бегалски кампови во Газа, биле прецизни и имаат за цел да го спречат Хамас повторно да воспостави контрола врз областа.

Би можело да ве интересира

Седумнаесет лица загинаа во бегалскиот камп Нусејрат

Горан Наумовски

Израел ја бомбардираше Газа, тензиите растат на границата со Либан

Хамас: Никој не знае колку израелски заложници се уште се живи

Саливан: Израел го поддржува предлогот за прекин на огнот, целта е да се премости јазот со Хамас

Израел: Хамас го отфрли предлогот за примирје

ИДФ погоди 35 цели низ Газа, командантот на групата Хамас загина во борбите