Општинскиот совет во данскиот главен град Копенхаген по третпат поднесе предлог за пробно воведување на легална продажба на хашишот во градот.
Според предлогот, како што јави дописникот на МИА, продажбата би се одвивала на 25 до 40 продажни пунктови, кои со тоа ќе конкурираат со цените на хашишот што се продава на улиците.
– Легализацијата ќе води кон намалување на криминалната дејност, а со тоа и помалку пари за криминалните банди кои добро заработуваат од продажбата на хашиш, изјави градоначалникот на Копенгахен, Микел Вармин за Данското радио.