Индија ќе добие уште една сојузна држава во јужниот дел на земјата, откако владејачката коалиција го поддржа предлогот за поделба на државата Андра Прадеш.
Министерот за цивилна авијација Ајит Синг изјави дека владејачката коалиција Обединета напредна алијанса едногласно ја поддржала идејата Телангана, северниот регон на државата Андра Прадеш да стане посебна 29. индиска сојузна држава.
Некои од 28-те индиски држави се исклучително големи, така што со нив е тешко да се управува, поради што се појавија барања за нивна поделба.
Андра Прадеш е четврта држава по големина во Индија, а со 76-те милиони жители е петта според популацијата.