Портпаролот на пакистанската војска вечерва изјави дека Индија извршила ракетни напади врз три локации на територијата на Пакистан, вклучувајќи го и стариот аеродром во Музафарабад, главниот град на пакистанскиот дел од Кашмир.
Нападот се случил доцна навечер, а пакистанските власти реагирале остро, опишувајќи ја акцијата како „неиспровоцирана агресија“ и најавувајќи одговор.
Портпаролот на пакистанската армија изјави дека Пакистан „ќе одговори на оваа неиспровоцирана агресија од страна на Индија“.
Првите видеа за кои се тврди дека прикажуваат ракетни истрели се појавија на социјалните мрежи.
BREAKING: The first clear footage of India bombing Pakistan. pic.twitter.com/OGglvTsJ3f
— Clash Report (@clashreport) May 6, 2025
Индиското Министерство за одбрана објави официјално соопштение во кое се наведува дека индиските вооружени сили започнале операција
„Операција Синдор“, насочена кон вкупно девет локации за кои тврдат дека се терористички кампови во Пакистан и делот од Џаму и Кашмир што е под контрола на Пакистан.
„Нашата акција беше фокусирана, одмерена и немаше за цел ескалација. Ниту еден пакистански воен објект не беше цел“, се вели во соопштението од Њу Делхи.
Индиската страна тврди дека нападите биле одговор на терористичкиот напад во Пахалгам во кој беа убиени 25 индиски државјани и еден непалски државјанин.
Индиските власти, исто така, најавија дека ќе одржат детален брифинг за операцијата во текот на денот.