Најмалку 151 лице загинаа како последица на лизгање на земјиштето во индиската сојузна држава Керала, во областа Вајанад, додека 187 лица се водат како исчезнати, соопштија спасувачите, кои утрово се уште трагаат по жртви под урнатините.
Од синоќа официјалното соопштение беше дека загинале 123 лица. Обилните дождови предизвикаа лизгање на земјиштето и поплави во една од најпопуларните туристички држави во Индија, што е најголемата природна катастрофа од смртоносните поплави во 2018 година, според Ројтерс.
Повеќето од 350 семејства кои живеат во областа првично не биле свесни за сериозноста на ситуацијата кога се случи лизгањето на земјиштето, а се стравува дека бројот на жртвите е уште поголем бидејќи под урнатините има луѓе затрупани.