Илјадници шпански работници протестираа денеска во Мадрид, на повик на водечките синдикати, со барање за повисоки плати поради високата инфлација.
Членовите на двата водечки синдикати (UGT и CCOO) излегоа на протест под слоганот „Плата или конфликт“.
Синдикатите бараат Владата и бизнис лидерите да се договорат за зголемување на минималната плата над сегашните 1.000 евра месечно, поради неконтролираната инфлација која почнува да се забавува.
Учесниците на протестот наведуваат дека нивните плати моментално не ги покриваат ниту трошоците за основните потреби.
Како и во другите земји, и во Шпанија има зголемување на цените предизвикано од зголемената цена на горивото поради намалувањето на понудата, предизвикано од руската инвазија на Украина.
Повисоките цени на храната во Европа ги поттикнаа протестите низ целиот континент. Инфлацијата во Шпанија го достигна својот врв во јули, кога беше 10,8 отсто, а во октомври беше 7,3 отсто.
Извор: МИА