Израелските одбранбени сили (ИДФ) денеска објавија дека извршиле воздушни напади и артилериско гранатирање на бројни локации на либанската милитантна група Хезболах во јужен Либан, како одговор на ракетниот напад врз северен Израел.
ИДФ во објава на Платформата X наведе дека е погодена инфраструктурата на Хезболах.
Претходно, либанските медиуми објавија дека израелско беспилотно летало удрило во камион утринава во близина на крајбрежното село Ал-Захрани, на околу 40 километри од израелската граница јужно од Сидон во Либан.
Нема извештаи за можни повредени во тој напад.
Израелските одбранбени сили (ИДФ) објавија дека нападнале локација од која биле истрелани проектили земја-воздух кон израелски беспилотни летала над границата меѓу Израел и Либан.