Според досегашните информации Роберт Фицо се здобил со три прострелни рани, две на раката и една на стомакот. Тој веднаш е пренесен во болница каде ќе биде опериран.
Дневник Хосподарске новини и порталот Плус објавија дека напаѓачот е идентификуван како 71-годишниот писател Јурај Цинтула, пишува словачкиот портал SME.
Оваа информација за СМЕ ја потврдил извор од полицијата. Инаку, Цинтула е основач на литературниот клуб Дух и член на Друштвото на словачките писатели.