Силите на сириската Влада и џихадистите од групата Исламска држава (ИД) извршиле неколку напади со хемиско оружје во и околу Алепо во август и септември, наведува во извештај прганизацијата „Хјуман Рајтс Воч“ (ХРВ).
Тие тврдат дека во два кварта во источните делови на Алепо ѓто се под контрола на бунтовниците – Ал Сукари и Забдија, биле фрлени бомби со токсични материи на 6 септември и на 10 август.
Пет лица, меѓу кои три деца, загинале, а десетици биле ранети, се вели во извештајот.
Според ХРВ, тешко е да се дознае каква хемикалија е користена при нападите во Алепо без лабораториски анализи.
ХВР наведува дека „најверојатно е употребен хлор“. Веројатните напади со хемиско оружје на ИД се извршени вон тој град.