Организацијата за заштита на човековите права „Хјуман рајтс воч“ соопшти денеска дека располага со „силни докази“ за користење на хемиско оружје од сириската армија во реони контролирани од бунтовници минатиот месец.
Според „Хјуман рајтс воч“, силите на претседателот Башар ал Асад веројатно употребиле гас хлор во три градови во северниот дел на Сирија во средината на април.
Организацијата ги заснова своите тврдења на разговори со очевидци, видео записи и снимки.
Соопштението на „Хјуман рајтс воч“ ја засилува загриженоста дека сириските власти продолжуваат да користат хемиско оружје.
Во хемиски напад во август беа убиени стотици мирни жители.