Портпаролот на милитантното крило на палестинскиот Хамас, Абу Обеид денеска изјави дека Израел ќе ја плати цената на агресијата врз Појасот Газа.
„Единствената цел што израелската армија ја постигна се злосторствата и масакрите што ги направи пред целиот свет. Непријателот нема да добие ни ден ни час за смиреност. Тој ќе ја плати цената на својата агресија“, рече Обеида на прес-конференција, пренесува Ал Џезира.
Тој додаде дека борците на Хамас уништиле 160 израелски воени возила во последните неколку недели.
„Израелската армија се соочува со жесток отпор и поради тоа се водат жестоки судири. Нашите борци го изненадуваат непријателот. Тие ги уништуваат нивните тенкови“, рече Обеид.