Врз основа на законот за грузиско државјанство, денеска претседателот на Грузија, Гиорги Маргвелашвли потпиша декрет за одземање на државјанството на поранешниот лидер Михаил Сакашвили бидејќи примил украински пасош за да биде гувернер на регионот Одеса.
Овој потег е чиста формалност, бидејќи грузискиот устав забранува двојно државјанство.
По именувањето на Сакашвили за лидер на регионот Одеса, Грузија издаде налог за негово апсење поради злоупотреба на неговата позиција за време на неговиот мандат. Тој тврди дека тоа е направено од политички причини.