Две ракети ја погодија воздухопловната база Аин ал Асад во Ирак, каде што се стационирани американски војници и други меѓународни сили во оваа земја.
Како што јави Ројтерс, нападот е потврден од безбедносни извори и доаѓа во време на зголемена тензија во регионот откако се очекува нападот на Иран врз Израел.
Засега не се знае дали има жртви во нападот на американски војници во Ирак и колкава е материјалната штета. Неименуван извор рече дека проектилите паднале во базата.
Целиот регион на Блискиот Исток стравува од ескалација на конфликтот кој започна во октомври минатата година кога Хамас го нападна Израел и уби 1.200 цивили и војници, додека 250 луѓе беа киднапирани.