Портпаролот на германското Министерство за надворешни работи рече дека треба да се биде претпазлив за бројот на смртни случаи објавени од Министерството за здравство на Газа. Денеска споменатото министерство, кое е под управа на Хамас, објави дека во израелското бомбардирање на Газа досега се убиени 7.326 Палестинци, меѓу кои повеќе од 3.000 деца.
На прес-конференција во Берлин, Кристијан Вагнер рече дека меѓународната заедница не може да ги потврди информациите за бројот на загинатите испратени од Хамас и затоа на овие бројки треба да се гледа со претпазливост.
„Хамас не е извор на информации за нас. Тоа е терористичка организација“, рече Вагнер.