Фудбалскиот клуб Реал Мадрид вечерва соопшти дека донирал 1 милион евра за помош на настраданите од поплавите во Шпанија.
Како што се наведува во соопштението на клубот од Мадрид, Фондацијата Реал и Црвениот крст денеска започнаа кампања за собирање средства за поддршка на настраданите од поплавите во Шпанија.
Бројот на загинати во катастрофалните поплави во Шпанија денеска се искачи на најмалку 158, од кои 155 загинаа во регионот на Валенсија, соопштија властите.
Многу патишта се уште се затворени во Валенсија, а зградите и автомобилите се однесени од лизгање на земјиштето.
Во средата шпанската влада прогласи тридневна жалост за жртвите од поплавите.
Поплавите предизвикаа и големи прекини во железничкиот и воздушниот сообраќај низ јужниот и источниот дел на Шпанија, пренесува Танјуг.