Претседателот на Боливија, Ево Моралес на годишното собрание на Комисијата на Обединети нации за опојни дроги изјави дека листот на коката не е кокаин, бранејќи ја праксата за џвакање на лист од кока.
– Листот од кока е зелен, не е бел како кокаинот, изјави Моралес, држејќи лист од растението додека зборуваше пред Комисијата.
Тој додаде дека неговата земја се организирала за сузбивање на употреба на кокаинот и другите наркортици.
Боливија, по тригодишно отсуство повторно се вклучи во договорот на Комисијата со кој се ограничува употребата на наркотици за здравствени и научни цели. Вклучувањето се случи откако Боливија доби дозвола за џвакање на листови од кока и покрај спротиставувањето на САД.