Австриската полиција попладнево ја евакуираше главната Железничка станица во Виена, а весникот „Куриер“ пишува дека станува збор за закана за поставена бомба.
„Имаме неколку полицајци на лице место и ја разјаснуваме ситуацијата. Избегнувајте непотребен престој во кругот на Железничката станица“, објави полицијата на мрежата Икс.
Железничкиот сообраќај е во прекин, а поради инцидентот се сменети и трасите на неколку автобуси.
Минатата година Австрија претрпе серија лажни закани за бомби поради кои главните железнички станици беа привремено затворени, предизвикувајќи доцнење на железничките услуги во неколку наврати.