Еротскиот роман на Е.Л. Џејмс „Fifty shades of grey” (50 нијанси на сиво) стана најпродаваната книга во светот.
Главните јунаци на приказната од романот се Kристијан Греј, манипулативен милијардер кој со младата невина студентка Анастасија склучува договор да му биде негов садо-мазо партнер.
Романот во Британија ги сруши рекордите на „Хари Потер“ и „Кодот на Да Винчи“ и стана најбрзо продаваната книга воопшто.
Ерика Мичел, која се крие зад псевдонимот Е.Л. Џејмс, воодушеви со фактот дека нејзината книга е на врвот на бестселер-листите во Велика Британија во повеќе од девет недели.
Книгата веќе ја надмина бројката од 10 милиони копии низ целиот свет, а Холивуд, во свој стил, подготвува филмска адаптација.
Се уште не се знае дали оскаровката Анџелина Џоли ќе се занимава со режирање на еротски трилер, иако нејзнината ПР-агентка ги негираше овие претпоставки.