Седум лица загинаа, а голем број се повредени денеска во експлозија на автомобил-бомба пред полициска станица во еден од централните квартови на Дамаск, кој е главно населен со христијани, соопштија безбедностите сили.
Нападот на плоштадот Баб Тума е првиот кој е извршен во овој кварт, кој се наоѓа во историскиот центар на главниот град на Сирија.
На местото на инцидентот биле испратени медицинска возила, а реонот е блокиран. Од експлозијата неколку возила се целосно изгорени.
Утринава во Дамаск е одржана средба меѓу шефот на државата Башар ал Асад и меѓународниот посредник за Сирија Лахдар Брахими, кој побара прекин на огнот во оваа земја за време на муслиманскиот празник Курбан Бајрам што се прославува следната недела.