Најмалку 20 луѓе загинаа денеска, а повеќе од 50 беа повредени во три силни експлозии во Хајдерабад, град во јужниот дел на Индија, соопшти полицијата, истакнувајќи дека станува збор за терористички напади.
Премиерот на Индија Манмоан Синг во оваа прилика и се обрати на јавноста и побара виновниците за овој “предавнички чин” да бидат казнети.
Експлозиите, како што пренесе Асошиетед прес повикувајќи се на полициски извори, одекнале пред кино сала, на автобуска станица во близина на пазар и во мал ресторан во распон од 10 минути.
Претходниот поголем бомбашки напад во Индија беше извршен во септември 2011 година, кога во експлозија во Њу Делхи загинаа 13 луѓе.