Поранешниот американски претседател Џорџ Буш постариот е погребан во кампусот на Универзитетот „Еј енд Ем“ во Хјустон, Тексас, каде се наоѓа и неговата претседателска библиотека.
Вчера беше одржана приватна церемонија, на која присуствуваа членови на неговото семејство и со која се завршени активностите организирани во чест на починатиот претседател.
По церемонијата на последен поздрав во Капитол Хил и во Националната катедрала во Вашингтон, организирана е и церемонија за последен поздрав во црквата во Хјустон, која ја посетува неговото семејство.
Потоа, неговото тело е преземено на погреб во кампусот каде е погребан.
Пред одржувањето на последната, приватна погребна церемонија, колоната ја поздравија околу 2.100 кадети во униформа, распоредени на патот кој води кон гробиштата.