Две лица се повредени денес откако автомобил се заби во толпа луѓе пред Кралската палата во центарот на Стокхолм, објави шведскиот јавен радиодифузен сервис СВТ.
Инцидентот се случил околу 16:30 часот, а полицијата, брзата помош и пожарникарите веднаш пристигнале на местото на настанот.
Според полицијата, двајца од повредените се однесени во болница со тешки повреди.
Возачот на автомобилот, кој останал на местото на настанот и соработувал со полицијата, е уапсен и осомничен за несовесно возење и нанесување тешки телесни повреди.
Портпаролот на полицијата, Матс Ериксон, ја отфрли можноста дека станува збор за терористички напад или дека несреќата е намерно предизвикана.