По референдумот Донецк прогласи независност и побара да се одобри нејзиното пристапување кон Русија.
-Ние луѓето од Донецк врз основа на резултатите од референдумот одржан на 11 мај и Декларацијата за сувереност на Народната Република Донјецк веќе се деклариравме како суверена држава, рече Денис Пушлин самопрогласениот лидер на Донјецката република.
-Со цел да се врати историската правда, бараме Русија да го разгледа прашањето за пристапување на нашата република во Руската федерација, рече тој.
Речиси 90 отсто од гласачите на референдумот во Донецк се изјаснија за политичка независност од Киев, а истото го побараа и 96, 2 проценти од гласачите во регионот Луганск.
Прес службата на Кремљ со соопштение посочи дека ја почитува волјата на жителите на Донецк и Луганск и се надева дека практичната реализација на исходот од референдумот ќе се врши на цивилизиран начин.
ЕУ и САД ги отфрлија резултатите на референдумот, кој го прогласија за нелегален.