Најмалку 96 лица загинаа денеска во судирите ширум Сирија, соопшти сириската Опсерваторија за човекови права, нагласувајќи дека најголемиот број од жртвите загинале во гранатирањата и нападите со огнено оружје.
Оваа опозициска организација со седиште во Лондон наведува дека 37 од жртвите се цивили, 31 е војник, а 28 се бунтовници.
Најмалку 17 лица загинале во Алепо, каде од 20 јули се водат жестоки борби меѓу владините сили и бунтовниците, додаде Опсерваторијата, нагласувајќи дека во судирите загинале и две деца. Во Алепо е убиен еден локален новинар.