Седумнаесет лица загинаа, а 24 се повредени во Индија, откако група од околу 200 маоистички бунтовници детонираше противпешадиска мина, по што отворија оган врз автомобилски конвој со активисти и симпатизери на партијата Индиски национален конгрес.
Од полицијата соопштија дека нападот се случил вчера, во реонот на градот Сукма, на околу 345 километри јужно од Раџпур, главниот град на државата Чатисгар, пренесува БТА.
Конвојот е нападнат во моментот кога членовите на партијата се враќале од митинг во Раџпур. Меѓу убиените се двајца локални партиски лидери и петмина полицајци.