Повеќе од 150 тибетански верски лидери на денешната конференција во Дармшала оценија дека нивниот духовен лидер Далај Лама сам треба да избере свој наследник.
Во резолуцијата што денеска ја усвоија лидерите на конференцијата се наведува дека тибетанскиот народ нема да признае кандидат, кој поради политички цели ќе биде избран од кинеската Влада.
Прашањето за наследник на Далај Лама и кој ќе го води тибетанскиот будизам е долгогодишен спор помеѓу духовните лидери во егзил и Пекинг.
Далај Лама (84) побегна во Индија за време на неуспешното востание против кинеското владеење во 1959 година и живее во Дармшала, северна Индија.