Артилериски гранати утринава првпат паднаа врз цели сосема блиску до центарот на Доњецк, главното утврдување на проруските сепаратисти во источна Украина, соопштија британските медиуми.
Луѓето побегнаа од своите канцеларии кон столбовите на главната административна зграда во Доњецк, откако моќните експлозии одекнаа во непосредна близина на зградата, по што беше наредена евакуација.
– Неколку минути подоцна следеа најмалку уште две експлозии во центарот на градот, слушна и виде дописникот на Ројтерс од лице место.
Според француските медиуми, меѓу оштетените згради е и Политехничкиот универзитет, каде е ранет еден професор, и зградата на Регионалното обвинителство, окупирано од чиновници на самопрогласената „Доњецка Народна Република“.
Француски новинари пред Трговскиот центар во центарот на градот виделе две неексплодирани гранати.