Околу 30 рудари од синоќа останале блокирани во јамата на рудникот „Донбаски Комсомолец“ во близина на Доњецк, поради прекин на електрична енергија во зоната на борбите меѓу украинската војска и проруските сили, соопштија денеска локалните сепаратистички власти.
Како што јави ИТАР ТАСС, проруските сепаратисити информираат дека ги преземаат сите потребни мерки за да ги спасат заробените рудари, барајќи помош од електричари и снабдувајќи гориво за повторно придвижување на лифтовите.
Спасувачки тим денеска успеал да се спушти во рудникот и да им обезбеди на рударите снабдување со кислород и вода.