САД денеска воведоа нови санкции за осум лица поврзани со терористичката група Хамас, вклучително и оние кои одиграа клучна улога во овозможувањето на компаниите поврзани со палестинската група да ги избегнат санкциите, објави денеска американскиот државен секретар Ентони Блинкен.
Блинкен истакна дека САД воведоа санкции за четири компании кои се поврзани со Хамас и други терористички организации, објави „Тајмс оф Израел“.
САД денеска го воведоа вториот пакет санкции против Хамас по нападот на југот на Израел на 7 октомври, а санкциите вклучуваат претставници на Хамас и Иран, како и членови на Корпусот на Исламската револуционерна гарда.
Американското Министерство за финансии во соопштение рече дека мерките се насочени кон дополнителни средства на Хамас и луѓе кои го олеснуваат избегнувањето на санкциите, како и компании поврзани со Хамас.