Генералниот секретар на ОН, Бан Ки-мун апелира до режимот во Сирија да не користи тешко оружје.
„ Сите страни во конфликтот би требало да прекинат со каква било форма на насилство, и главна одговорност е на сириската Влада која треба да прекине со користење тешко оружје“ , изјави Бан на прес конференција по средба во Техеран со сирискиот премиер Ваел ал Халаки и министерот за надворешни работи Валид ал Моалем.
Тој повика и за прекин на испораките на оружје како за режимот така и за бунтовниците.
Најмалку 25 проектили испукани од Сирија паднаа денеска во село во Либан.
Еден припадник на либанските сили за безбедност е ранет, а нанесена е голема материјална штета.