Две лица загинаа, а 35 се повредени кога автобус со работници на нуклеарна централа во изградба денеска се судри со автомобил во турската провинција Мерсин.
Несреќата се случила на автопатот Д-400 Мерсин-Анталија во областа Силифка, јави НТВ.
65-годишниот возач на автобусот изгубил контрола и влегол во спротивната сообраќајна лента, при што се судрил со автомобил.
Сите повредени веднаш биле пренесени во локалните болници во Силифка, каде им била укажана лекарска помош.
Поради несреќата патот подолго време беше затворен за сообраќај.