Дваесет и пет години по падот на Железната завеса и шест години по проширувањето на Шенген зоната на исток, австриската провинција Бургенланд, која се граничи со Словачка, Унгарија и Словенија, сака да ја поврати граничната контрола, изјави нејзиниот гувернер Ханс Нисел.
Мерката, која ќе биде привремена беше одобрена од Австриската социјалдемократска партија, која владее со провинцијата, заедно со конзервативците, додаде Нисел.
Целта на оваа мерка е справување на соодветен начин со пограничниот криминал.
Нисел додаде дека оваа иницијатива не е поврзана со лицата кои бараат азил и со бегалците.