Австралиската полиција уапсила и покренала обвинение за тероризам на тинејџер, кој планирал напади на денешното одбележување на „Денот на Анзак“.
Шеснаесетгодишното момче било уапсено во близина на својот дом во Сиднеј вчера и денеска ќе се јави пред суд за малолетници, соопшти полицијата.
Максималната пресуда по покренатите обвиненија е доживотен затвор.
„Денот на Анзак“ се слави секоја година на 25 април во Австралија, Нов Зеланд и други пацифички држави.
Toa e годишнината од кампањата на австралиските и новозеландските армиски единици кај Галиполи, наречени Анзак за време на Првата светска војна. Многу австралиски и новозеландски војници учествуваа во судирите при што загинаа.
Австралија и Нов Зеланд се единствените земји, кои како национален празник одбележуваат една голема воена загуба – почетокот на крвава и неуспешна кампања против Турската империја.