Едно лице загина за време на турбуленции во американски деловен авион со пет лица, поради што екипажот принудно слета на меѓународниот аеродром Бредли во државата Конектикат, соопштија денеска локалните власти.
„Бомбардиер“ наиде на сериозни турбуленции над Нова Англија додека патуваше од Кина, Њу Хемпшир до Лизбург, Вирџинија, изјави Сара Сулик, портпаролка на Националниот одбор за безбедност на транспортот (NTSB).
Степенот на штетата на авионот е нејасен, а НТСБ не соопшти детали дали жртвата носела сигурносен појас. Компанијата која е сопственик на авионот „Конексон“ од Канзас денеска не сакаше ништо да коментира.
Истражителите на НТСБ ги испрашуваа екипажот и преживеаните патници за турбуленциите, а црната кутија беше испратена во седиштето на НТСБ.
„Не можам да се сетам кога имаше смртен случај од турбуленции“, изјави поранешниот директор на НТСБ Роберт Самвалт.