Сирискиот амбасадор во Ирак, Наваф Фарес му откажа послушност на претседателот Башар ал Асад и се префрли на страната на опозицијата. Тој ги повика и останатоте политичари и воени официјални лица да појдат по неговите стапки, пишува Би-Би-Си.
Фарес е првиот висок сириски дипломат, кој одлучи да го напушти Башар ал Асад, по само една недела откако и сирискиот генерал Манаф Тлас побара прибежиште во Париз.
Фарес својата одлука преку видео соопштеније ја објави на фејсбук и на сателитската ТВ-станица Ал Џезира.
„Ги повикувам сите членови на партијата на Асад да го сторат истото, бидејќи режимот се трансформира во алатка за репресија против народот и неговата желба за слобода и достоинство“, изјави Фарес.
Фарес беше назначен за амбасадор во Багдад во 2008 година.