Иранскиот министер за надворешни работи Абас Аракчи разговараше со министерот за надворешни работи на Саудиска Арабија, Фајсал бин Фархан, и порача дека земјите во регионот треба да бидат внимателни кога застануваат на страната на Соединетите Американски Држави.
Аракчи размени мислења со својот саудиски колега за „продолжувањето на заговорите и агресивните дејствија на САД и ционистичкиот режим во регионот“, пренесува денеска агенцијата „Тасним“.
Повикувајќи се на целосната подготвеност на Исламската Република Иран да ги заштити суверенитетот, територијалниот интегритет и националната безбедност на земјата, Аракчи изјави дека „на секоја агресија или непријателски чин од страна на САД и ционистичкиот режим, како и на учеството или поддршката од земјите во регионот, моќните вооружени сили на Иран ќе одговорат одлучно и пропорционално, а одговорноста за сите последици што произлегуваат од таквите авантури ќе падне врз оние што се одговорни за нив“.