„Амнести интернешенел“ ги осуди нападите на сириската армија врз Алепо, кој делумно е под контрола на бунтовниците, повикувајќи се на сателитски снимки, кои покажуваат користење тешко оружје врз станбени комплекси.
Снимките покажуваат над 600 кратери во Алепо и малиот соседен град Анадан, формирани од артилериски гранати, и се доказ за насилството во вториот по големина град, распореден во северозападниот дел на земјата во близина до турската граница.
„Амнести интернешенел“ испраќа јасна порака и до двете страни: секој напад врз цивили ќе биде документиран, така што извршителите ќе одговараат“, изјави Кристоф Котл од организацијата.
Снимките од 31 јули покажуваат кратери од гранати во близина до станбената зона на Анадан.