Американски ловец Ф-15 се урна јужно од јапонскиот остров Окинава откако леталото се здобило со оштетување за време на летот. Пилотот успеал да се катапултира и е спасен.
Авионот полетал од воената база Кадена и паднал во Тихиот Океан на 115 километри источно од Окинава. Портпаролот на американските сили во Јапонија соопшти дека пилотот бил пронајден и спасен од екипи на САД и на Јапонија.
САД имаат контингент од 50.000 војници во Јапонија, од кои половина од нив се на островот Окинава.
Кадена е една од најголемите военовоздухопловни бази во Азиско-пацифичкиот регион.