Експертката на ОН и специјален известувач на ОН за човекови права на окупираните палестински територии, Франческа Албанезе, најави мерки што земјите-членки на ОН треба итно да ги преземат за да „го спречат израелскиот геноцид“.
Албанезе рече дека мерките вклучуваат „целосно ембарго за оружје“, како и активирање на „морски сили за помош“ за да се пробие израелската блокада, објави Ал Џезира.
Повикувајќи се на резолуција што им дозволува на ОН да интервенираат кога Советот за безбедност на ОН не дејствува поради вето од страна на еден од неговите постојани членови, Албанезе исто така рече дека Генералното собрание на ОН треба да обезбеди „заштитно присуство во Појасот Газа“.