Изборите во Сирија би можеле да се одржат за најмногу четири години, а изготвувањето на новиот Устав би можело да трае три години, изјави денеска лидерот на новите сириски власти Ахмед ал Шара.
Во интервју за Ал Арабија, тој рече дека на Сиријците ќе им треба околу една година да видат драстични промени по соборувањето на режимот на Башар ал Асад.
Ал Шара, кој ја предводи групата Хајат Тахрир ал Шам (ХТС), која го собори Асад на 8 декември, рече дека ХТС ќе биде распуштена, објави Ројтерс.