Акциите на медиумската компанија на поранешниот американски претседател Доналд Трамп TMTG, кои денеска за прв пат се појавија на њујоршката берза Насдак, поскапеа за 50 отсто веднаш по почетокот на тргувањето.
По 20 минути од отворањето на берзата, повеќе од 6,5 милиони акции на компанијата на Трамп се сменија, пренесува CNN (CNBC).
Акционерите на компанијата „Digital World Acquisition“ неодамна го одобрија спојувањето со компанијата на Трамп TMTG, која стои зад мрежата „Truth Social“ и со тоа овозможија новата компанија да излезе на берза под симболот „DJT“, кои се иницијали на Трамп.
Агенцијата АП тврди дека многу од инвеститорите во „Digital World Acquisition“ се претежно мали инвеститори кои се обожаватели на Трамп или се обидуваат да заработат од манијата околу Трамп.