Полицијата го идентификуваше напаѓачот кој денес во католичко училиште во Минеаполис уби двајца ученици и повреди уште 17, од кои 14 беа деца.
The gunman, Robin Westman, formally known as Robert Westman reportedly approached the church from the outside, fired through windows with a semi-automatic weapon and other firearms, and died by suicide in the parking lot.
Minnesota court records confirm that Robin Westman,… pic.twitter.com/2Afw1hrjVb
— Boston Brandi (@BostonBrandi100) August 27, 2025
Станува збор за Робин Вестман, 20 години, кој извршил самоубиство по пукањето.
Според американските медиуми, станува збор за транс родов маж.
Тој пукал низ прозорецот додека учениците се молеле за време на свечената миса по повод враќањето на училиште.
Убиецот наводно денес споделил видео на YouTube, неколку часа пред пукањето, на кое се гледа рака како ги врти страниците од тетратка.
Тетратката е поставена врз она што изгледа како шема на оружје.
Директорот на полицијата во Минеаполис, Брајан О’Хара, потврди дека две деца на возраст од осум и десет години биле убиени во пукање во католичка црква во Минеаполис.
Тој го опиша пукањето во црква полна со деца како „чиста суровост и кукавичлук“.
– Две мали деца, на возраст од осум и десет години, биле убиени таму каде што седеле на црковните клупи. Нивните родители се известени, рече О’Хара.
Тој додаде дека уште 17 лица се повредени, од кои 14 се деца, вклучувајќи две кои се во критична состојба.
Пукањето во католичкото училиште „Благовештение“ се случило додека учениците и другите присуствувале на миса во блиската црква, по повод првата недела од школувањето, изјави шефот на полицијата.
– За време на мисата, вооружен човек се приближил кон надворешноста на зградата и почнал да пука од прозорците на црквата. Тој ги таргетирал децата и верниците кои биле во зградата – рече тој.
О’Хара рече дека напаѓачот испукал десетици куршуми, користејќи пушка и пиштол, објави Би-Би-Си.
Тој додаде дека возило за кое се верува дека му припаѓа на осомничениот е пронајдено на паркингот на црквата, и дека напаѓачот се приближил од едната страна на црковната зграда.
Како што изјави, полицијата не пронашла „никакви експлозиви или импровизирани направи“, освен „чадна бомба“.
Тој рече дека убиецот извршил самоубиство, но не откри повеќе детали.