Милионерот Алексеј Долгих (36) заедно со тројца пријатели со неговиот „ламборџини урус“ вреден 375.000 евра изгуби контрола со брзина од 150 км/ч и удри во заштитна ограда во Москва. Тој загина во несреќата.
View this post on Instagram
Автомобилот се преврте и слета на прометниот дел од патот околу 1:30 часот по полноќ, каде што се запали.
Делови од возилото прелетаа преку мостот, додека купишта пари беа пронајдени расфрлани по автопатот.
Долгих и неговиот придружник Иван Соловјов починаа на лице место, додека Никита Тезиков (21) и Кирил Мочалов (22) беа префрлени во болница со сериозни повреди, но преживеаја.
Државниот сообраќаен инспекторат потврди дека Долгих ја изгубил контролата кога удрил во оградата, предизвикувајќи автомобилот да се преврти и веднаш да се запали.
Оваа несреќа се случува веднаш по бруталното убиство на друг руски крипто-тајкун, Роман Новак (38) и неговата сопруга, поранешната тв репортерка Ана (37), чии распарчени тела беа пронајдени минатата недела во пустината во Дубаи.