Словенечката суперѕвезда Лука Дончиќ продолжува да ги воодушевува кошаркарските фанови ширум светот.
Во убедливата победа на Лос Анџелес Лејкерс против Минесота Тимбервулвс (128:110), Дончиќ уште еднаш покажа зошто многумина го гледаат како главен кандидат за наградата за најкорисен играч на сезоната.
Во отсуство на Леброн Џејмс, Лука ја презеде целосната контрола врз играта и ја одигра улогата на вистински лидер.
Тој беше незапирлив на паркетот – постигна 49 поени, додаде 11 скока, а само две асистенции недостасуваа за нов трипл-дабл.
Со овој настап, Дончиќ влезе во историјата на НБА – тој стана единствениот играч кој, во првите два натпревари од новата сезона, постигна повеќе од 40 поени, 10 скока и 5 асистенции.
Светските медиуми се полни со пофалби за фантастичниот Словенец, кој докажа дека е подготвен да биде лидер на Лејкерси дури и во сезона во која тимот има големи амбиции.