Грчките земјоделци кои изминативе две недели протестираат против владините мерки за штедење, вчера на сиромашените граѓани им поделија 50 тони бесплатно овошје и зеленчук.
Во метежот поради бесплатното делење на продукти, еден човек беше прегазен и повреден од граѓани кои се бореа први да стасаат до бесплатната храна, а целиот настан предизвика нови дискусии за бедата во која тоне Грција поради должничката криза.
-Оваа глетка ме лути. Лут сум поради гордиот народ кој нема доволно храна да јаде, кој не може да обезбеди греење, ниту да состави крај до крај- рече Костас Баркас, пратеник на левичарската партија Сириза.
И другите пратеници изразија тагата, затоа што горделивиот народ дошол до ова ниво.