Сообраќајната полиција во Србија денеска околу пладне запре четириесет и едногодишен германски државјанин на подрачјето на општина Рума, кој управуваше „бмв“ со германски регистарски таблички со брзина од 238,9 километри на час, на делот од автопатот Рума – Шабац каде што ограничувањето на брзината е 130 километри на час.
Министерството за внатрешни работи соопшти дека возачот е исклучен од сообраќај и дека против него е поднесена прекршочна пријава за насилно возење.