Еден полицаец вечерва е убиен, а двајца се повредени откако еден маж упаднал во полициската станица во Зворник и пукал, јави ФЕНА.
Според локалните медиуми нападот бил извршен од припданик на вахабиското движење, кој вооружен со автоматска пушка пукал врз полицајците. Напаѓачот извикал „Алах е голем“.
– Напаѓачот е совладан и убиен, потврди за ФЕНА портпаролката на Центарот за јавна безбедност на Бјелина, Александра Симојловиќ.
По нападот свикана е итна седница на Владата на Република Српска.
Министерот за внатрешни работи на РС, Драган Лукиќ изјави дека „станува збор за најлош терористички акт“ и оти полицијата го подигнала степенот на безбедност на највисоко ниво.