Епилог на синоќешната железничка несреќа меѓу товарен и патнички воз во Белгија се тројца загинати и деветмина посериозно повредени патници, јавија локалните медиуми.
Медиумите јавуваат дека некои од повредените се наоѓаат во многу тешка состојба и дека лекарите се борат за нивниот живот
На 28 патници им била укажана медицинска помош, но сите ќе бидат пуштени дома.
Во патничкиот воз имало 40 патници.
Досега е познато дека патничкиот воз, околу полноќ, пристигнал и со голема брзина се удрил во товарната композиција, што запирала на истиот коловоз.
Како можна причина двата воза да се најдат на истиот коловоз е дефект на железничките свртница. Железничката компанија наведува дека гром е причината за оштетување на свртницата.
Два часа пред несреќата железничката компанија соопштила дека на истата линија во регионот на Лиеж има проблем со сигнализацијата заради удар на гром.
Над Белгија синоќа мина силна бура со грмотевици.