Во престрелка во Копенхаген повредени се двајца полицајци и еден цивил, информира денеска данската полиција, која подоцна и го уапсила напаѓачот.
Инцидентот се случил во Кристијанија, делот од Копенхаген, каде жителите прогласиле христијанско автономно подрачје.
Полицијата соопшти дека едниот полицаец е ранет во главата од огнено оружје,а вториот во нога, додека цивилот се здобил со прострелна рана во надколеницата.
Повредениот цивил има „странско потекло“, соопшти полицијата и додаде дека тој бил во контакт со полицијата и дека нема роднини во Данска.
Врз полицајците било пукано додека ги извршувале своите рутински задачи во Кристијанија, наведе полицијата.