Во исчекување на вечерашната пресметка меѓу Реал Мадрид и Манчестер Јунајтед, медиумите од Шпанија и Англија, денеска излегоаа со можните состави со кои Зинедин Зидан и Жозе Мурињо ќе го почнат Супер куп натпреварот во Скопје.
Двата тима синоќа ги одржаа единствените тренинзи пред денешниот меч, а тренерите на средбите со новинарите не сакаат да ги откријат составите.
Зидан единствено напомена дека Кристијано Роналдо не случајно е во Скопје, и дека Португалецот е подготвен да игра, но дали тоа ќе биде од првата минута Зидан најверојатно ќе реши пред самиот натпревар.
Затоа и во предвидувањата на шпанските медиуми во меѓу почетните единаесетмина го нема Португалецот.
Можен состав на Реал Мадрид: Навас, Карвахал, Рамос, Варан, Марсело, Модриќ, Касемиро, Крос, Иско, Бензема и Бејл. Тренер Зинедин Зидан.
Можен состав на Манчестер Јунајтед: Де Геа, Валенсија, Линделоф, Смолинг, Блинд, Херера, Матиќ, Погба, Рашфорд, Лукаку и Мхитарјан. Тренер: Жозе Мурињо.
Натпреварот кој ќе започне од 20 часот и 45 минути ќе го суди Италијанецот Џанлука Роки.